ឃាត់ខ្លួនយុវជន ៣ នាក់ពួនសេពគ្រឿងញៀន

ភ្នំពេញ ៖ ​ប៉ូលិស​ខណ្ឌមានជ័យចាប់ខ្លួនជនសង្ស័យ ​៣​ នាក់​ពាក់ព័ន្ធ​ករណី​ប្រើប្រាស់​ដោយ​ខុសច្បាប់​នូវ​សារធាតុ​ញៀន​​កាលពី​ថ្ងៃទី​០១ ​កុម្ភៈ ២០១៧ វេលា​ម៉ោង​៩​ និង​៣០​នាទី នៅ​ចំណុច​ក្នុង​ដី​ឡូ​តិ៍​លេខ​៥៧២ ផ្លូវជាតិ​លេខ​២ ក្រុមទី​១៣ ភូមិព្រែក​តា​គង់ សង្កាត់ចាក់អង្រែលើ ខណ្ឌមានជ័យ។​

    ប៉ូលិស​និយាយថា កម្លាំង​អធិការដ្ឋាន​ប៉ូលិស​ខណ្ឌមានជ័យ និងកម្លាំង​ប៉ូលិស​ប៉ុស្តិ៍​ចាក់អង្រែលើ បាន​សហការ​ជាមួយ​កម្លាំង​សាលាសង្កាត់​ចាក់អង្រែលើ ធ្វើការ​ត្រួតពិនិត្យ​រដ្ឋ​បាល​នៅក្នុង​មូលដ្ឋាន ហើយ​បាន​ឃាត់ខ្លួន​ជនសង្ស័យ​៣​នាក់ ពីបទ​ប្រើប្រាស់​ដោយ​ខុសច្បាប់​នូវ​សារធាតុ​ញៀន។​

    ប៉ូលិស​បន្តថា ជនសង្ស័យ​១-​ឈ្មោះ ឈុន រតនា ហៅ ខ្មើ​ន ភេទប្រុស អាយុ២៩ឆ្នាំ ជនជាតិខ្មែរ មុខរបរ ជាង​អេ​ឡិច​ត្រូ​និ​ច ស្នាក់​នៅផ្ទះ​លេខ​៥៧២ ផ្លូវជាតិ​លេខ​២ ក្រុមទី​១៣ ភូមិព្រែក​តា​គង់ សង្កាត់​ចាក់អង្រែលើ ខណ្ឌមានជ័យ,​ ២-​ឈ្មោះ ទូច សារិទ្ធ ហៅ ក្តិ​ប ភេទ ប្រុស អាយុ២៥ឆ្នាំ ជនជាតិខ្មែរ មុខរបរ ជាង​ម៉ាស៊ីនដេរ ស្នាក់​នៅផ្ទះ​លេខ​៥៧៦ ផ្លូវជាតិ​លេខ​២ ក្រុមទី​១៣ ភូមិ​ព្រែក​តា​គង់ សង្កាត់ ចាក់អង្រែលើ ខណ្ឌមានជ័យ និង​
៣-​ឈ្មោះ ខុន ពិសី ភេទស្រី អាយុ២២ឆ្នាំ ជនជាតិខ្មែរ មុខរបរ នៅផ្ទះ ស្នាក់នៅ​ផ្ទះជួល ផ្លូវ​បេតុង សង្កាត់ ទួល​សង្កែ ខណ្ឌឫស្សីកែវ។​

   ក្នុងនោះ​ប៉ូលិស​បាន​ដកហូត​វត្ថុតាង​មាន ឧបករណ៍​សម្រាប់​ជក់​គ្រឿងញៀន​មួយចំនួន។ បច្ចុប្បន្ន​ជនសង្ស័យ​ខាងលើ​ឃាត់ខ្លួន​នៅ​អធិការដ្ឋាន​ខណ្ឌ​ដើម្បី​កសាង​សំណុំរឿង​តាម​នីតិវិធី៕​